添喜冰室 (已結業)

陪屋企人喺广华医院复诊，睇完医生后喺附近顺便医肚，呢条街越来越多唔同类型嘅食肆，呢间冰室嘅食物偏向西式，传统茶餐厅食物只占5成左右，装修亦比较新。每日特价餐由$48起，所以选了星期二特价嘅葡汁鸡皇饭，葡汁椰香味浓，鸡肉都好多，只有少量薯仔🥔，感觉真系抵。另外试吓个西式小食 ‘添喜小食拼盘’，洋葱圈炸得好有水准，虾🦐多士亦一样炸得脆卜卜，芝士焗青口及鸡翼都唔错。当然冰室的港式奶茶亦要试，红豆奶茶茶奶比例均匀，茶味香浓。