龍點心 (軒尼詩道)

营业中

休息中

🥧叹世界烧卖拼盘一笼有6种口味各1粒，有冬荫功泰辣、黑蒜带子、芝士墨鱼、黑松露珍香、泡菜蒜辣、俄式罗宋，六粒都系创意味道之前都未试过，自己最钟意冬阴功泰辣，咬落去爆汁，有啲冬阴功汤汁出嚟少少辣辣地酸酸哋，俄式罗宋都好爆汁一咬开真系好似饮紧罗宋汤咁，另外黑蒜带子反而食落甜甜地几得意🦀蒸蟹粉菠菜香虾饺（3只）一上枱见到咁多三文鱼子喺面头就觉得正，点知咬落去中间真系食到有蟹粉味嘅虾肉🍚凤爪排骨饭凤爪排骨饭嘅饭，粒粒分明唔会蒸到湿晒，另外排骨嘅份量非常多有好多粒，凤爪亦都好入味，整体个饭真系做得好好🐟蒸酸菜鱼凤眼饺4只（辣）面头有一旧鱼肉，几鲜味，真系有酸菜鱼嘅味道，但系有酸酸地少少辣🥥炸龙芋酥唔系度度有食得到嘅炸芋头酥，但系呢个个样比较特别四四方方一咬开面头脆卜卜嘅皮，入边充满咸嘅芋头蓉，中间仲包咗一啲菇同叉烧，钟意食芋头嘅真系要试吓🥠翡翠响铃肠粉本身一听个名都知系绿色为主，我谂个肠皮皮应该系用蔬菜汁打成，中间包住咗紫菜响铃非常特别，识落嘅口感有少少似炸两，但系又好香嘅豆腐味道🍴嚟呢间饮茶比起佢酒楼好嘅地方系职员比较多，所以好能够照顾你需要，唔会好似喺酒楼咁嗌极都冇人嚟斟水或者比辣椒油你🙈📍