The Pudding Nouveau (已結業)

收工后同honey由炮台山雨中漫步至浣沙街觅食。穿过横街窄巷，喺京街见到入围热店「The Pudding Nouveau」 ，两口子就不加思索，行咗入去。餐店座位不多，散座全为方形云石枱加折櫈。地方唔大，室内设计都好简单，除咗头顶上有盏几何吊灯之外，就只有水吧旁一个小木架上o既茶罐及小摆设作装饰。墙上有块黑板列出精选套餐 。Honey真系好眼，原来黑板上o既项目餐牌上都有。二人就应温文o既哥哥仔推介点咗个「龙虾焦糖炖蛋配龙虾肉烧蘑菇」黎分。跟餐叫咗杯热姜茶比情人饭前暖暖胃。自己就要咗杯士多啤梨冰沙凉快吓 。士多啤梨冰沙（$42）：如相所示，冰沙只杯不但深，粉红色o既冰沙仲要成座山咁高，份量认真够哂劲量级 ！特饮o既士多啤梨味清甜、清新、又清爽，最重要系冰沙同液体o既比例刚刚好，快饮慢饮都唔会出现啜唔到野饮又或者系满泻o既情况，依杯可以话系细佬饮过最满意o既士多啤梨冰沙 ！龙虾焦糖炖蛋配龙虾肉烧蘑菇（$248）：哗，西式龙虾两吃差不多成半张枱咁大，好彩哥哥仔提议我地分黎食。壳内o既龙虾肉极之鲜甜爽脆，烧蘑菇都一样咁香浓入味，涂上旁边热烘烘o既面包食，实在美味非常，令人赞叹不已