大渣哥茶記 (已結業)

豆腐火腩饭，系男人既浪漫🌹！其实由来系一篇潮文，不过今日就唔系静系豆腐火腩饭，系想介绍麻婆豆腐火腩饭！前几日行过渣哥大茶记，心谂见门口长期咁多人排队而食第二间，不如我今次试一次！虽然人龙都几长，但因为舖头都较多位，所以其实等左大约5分钟就可以入去坐！餐厅装修好特别，好富有香港特色。而餐单更加「贴地」，同依家香港人生活真息息相关！茶餐厅真有好多款美食，见有点肚饿就叫返个碟头饭食下啦！味道方面，我会话中中挺挺😂，系一份正常茶餐厅既碟头饭！豆腐，猪肉碎同埋诱人既腩肉，啖啖肉👍🏻。味道方面，腩肉咸咸香香，配埋肉碎、辣椒🌶️、榨菜，食落有点香辣，味道算丰富👏🏻！另外抵赞既系份量都几大，饭都有一大碗，𩠌份量都好多，$56嚟讲真几抵！饮品我就换左杂果梳打，可能因为唔系用玉泉soda，同埋落左杂果，饮落较甜，相对唔酸，岩哂夏天饮返杯！另外，店员服务态度好有礼貌，一定会返转头再帮衬！