鋿晶館

营业中

休息中

新派型格烧味系列有成十几样嘢拣，啲名都好特别吖，我哋拣咗“老爷子半肥不瘦蜜饯叉烧”，呢个叉烧认真唔错，物如其名半肥不瘦，味道适中好滋味；“金衣芙蓉大虾球”呢个就系有我最钟意嘅大虾啦，虾的表面舖上一层蛋黄，犹如金色的外衣，仲有D花生碎点缀，似朵盛开的芙蓉花，我的理解道𩠌就因此而得名，唔知啱唔啱呢？啲虾真系好大只㗎，我一口吞唔落肚，哈哈；“台南度小月鲜菌牛仔骨”系我朋友钟意之物，大大旧食得满足，D菌有几只唔同类型的菇类，好入味，差不多我一个人食晒。“日本紫心番薯浸豆苗”又系个特别我未曾试过的新菜式，听讲本店师傅系日本做过大厨，几出名㗎，咁见过世面，多谂头好正常，呢个𩠌可以食到番薯粒粒，好鬼得意，豆苗亦好新鲜嫩滑。“龙虾汤瑶柱烩海皇羹”和豆苗道𩠌一样，都系用个好靓嘅盎仔盛住，更显矜贵，而事实呢个海皇羮亦认真足料，龙味汤味浓郁，有好多小龙虾肉/虾肉，饮落好满足。