十二味 (青衣城2)

营业中

休息中

川菜一向俾人嘅印象就系辣🔥🔥🔥，但今晚嚟到青衣城二期新开嘅十二味食川菜，就打破咗呢个讲法。新装修嘅餐厅入面环境宽敞，不过因为疫情，而家晚市只有外卖供应。而家外卖自取仲有九折。佢地当然有辣嘅菜式，但唔食得辣嘅都有好多选择。今晚喺度叫咗个晚市套餐外卖，我拣咗三款都系唔辣嘅菜式。呢度全部即叫即炒，所以要等一阵。外卖攞到返屋企仲系热辣辣，香喷喷。晚市套餐就拣咗唔辣嘅川香回锅肉，套餐配埋白饭同小食，我就拣咗蒜泥青瓜。川香回锅肉份量好多好抵食。回锅肉虽然唔辣，但系仍然炒得香口惹味。蒜香青瓜清爽得嚟又有满满嘅蒜香。另外再叫咗清炒莴笋丝，冇谂过莴笋都可以炒得咁有镬气，莴笋都够爽口。葱油拌面感觉就比较油少少，唔算好干身，但唔会黐住夹唔到，葱油味都几香。