木船 (已結業)

行过见到呢间泰式小店装修好靓，决定试一试佢。餐牌内唔只食物同图片，仲有得学泰文嫁🤣🤣🤣🤣。首先叫个青木瓜沙律，青木瓜清爽，配合花生、腰果、红萝卜丝仲有新鲜提子。又估唔到佢地咁夹，清新又开胃。之后叫左个小食拼盘，泰式春卷、虾饼、鱼饼加埋个柚子酱，岩岩好抵消左炸野既油腻感，好食！推介👍🏻👍🏻泰式餐厅竟然有煲仔菜，成个煲够热又够香，椰子有咬口，鸡亦够滑，仲要份量极多！！抵食之选🤤🤤尾声叫多个串烧炒饭，串烧外皮烧到岩岩好有焦脆感同香味，炒饭够味，有猪肉粒竟然配腊肠😆😆，味道十足！最后叫埋泰式奶茶同埋芒果沙冰，奶茶有椰子味🤤🤤加埋面头上既鲜忌廉，成杯都好滑。最最最惊喜系个芒果沙冰，沙冰入面竟然有新鲜芒果、爆谷、糯米糍，份量十足之余可以当甜品share 食！为圆满既一餐划上句号。