影片
更多
2023-08-27
45 浏览
近期迷上泰菜，知道荃湾新开咗间泰国餐厅，距离港铁站5分钟左右，好就我脚，又去咗试试！呢间系新派泰国餐厅，选址中染大厦，去到门口已经觉得装修几靓，门面好光猛，仲有好多绿色植物装饰，入面位置好阔落，当然新开餐厅好干净，装修见心思，有别于传统泰国餐厅。Menu成本书咁厚，算系多菜式选择，除咗传统泰国菜之外，仲有创新西餐！可能系平日食early dinner未系好多人，侍应企喺我侧跟随时serve客人，见我揸唔定主意食乜嘢菜式，仲有推介，讲嘢客客气气都几有礼貌。✔️青木瓜金柚虾沙律$88卖相同份量都唔错，柚子甜度适中，蔬菜青绿新鲜，有唔少醋汁，同蔬菜混埋一齐食酸酸甜甜好开胃！✔️香叶海南鸡（半只）$138鸡肉肉质香嫩够肉地，有鸡胸肉又有鸡髀，配有腌制酸瓜，好酸好解腻。✔️泰皇松叶蟹肉炒饭$108份量好大，好多淀粉质，饭粒够干身有弹性，加咗洋葱片、豆角粒、蛋、蟹肉、罗勒叶一齐炒。✔️柚子海萄萄慢煮三文鱼$168呢个菜式系侍应推介嘅，话摆盘好靓啱晒打卡！一上枱，果然系用咗唔同食材堆砌到好靓，色彩缤纷。慢煮三文鱼保持到鱼肉质感，同其他西餐食到嘅香煎三文鱼，唔同嘅地方系呢度嘅三文鱼用咗柚子酱、水果嘅鲜味去调味
✔️青木瓜金柚虾沙律$88
卖相同份量都唔错，柚子甜度适中，蔬菜青绿新鲜，有唔少醋汁，同蔬菜混埋一齐食酸酸甜甜好开胃！
✔️香叶海南鸡（半只）$138
鸡肉肉质香嫩够肉地，有鸡胸肉又有鸡髀，配有腌制酸瓜，好酸好解腻。
✔️泰皇松叶蟹肉炒饭$108
份量好大，好多淀粉质，饭粒够干身有弹性，加咗洋葱片、豆角粒、蛋、蟹肉、罗勒叶一齐炒。
✔️柚子海萄萄慢煮三文鱼$168
呢个菜式系侍应推介嘅，话摆盘好靓啱晒打卡！一上枱，果然系用咗唔同食材堆砌到好靓，色彩缤纷。慢煮三文鱼保持到鱼肉质感，同其他西餐食到嘅香煎三文鱼，唔同嘅地方系呢度嘅三文鱼用咗柚子酱、水果嘅鲜味去调味，味道冇咁单调，又提升左食欲！
✔️马拉盏炒通菜$88
个菜几新鲜，辣辣哋，炒得好入味！
✔️蜜香芒果$53
呢个甜品上层系好甜嘅芒果粒，中层系cream，下层系即整脆窝夫，仲淋上咗甜酱！
✔️创意珍多冰
同传统嘅珍多冰一样，好香椰奶味，又加咗红豆、唔同味道嘅粉条，系通常唔会出错嘅饮品！
✔️冻泰国手标绿奶茶$28
红茶底嘅泰国奶茶饮得多，第一次饮泰国绿奶茶，果然系冇咁甜，但又保持到泰国奶茶嘅茶香、奶香。
张贴
