十三姨 (白加士街)

营业中

休息中

行过佐敦， 想食个lunch， 但系最出名嘅澳牛今日冇开， 附近有唔少嘅游客餐厅， 见到有间13姨， 之前经过成日排队， 但系今日就冇乜人， 见到餐牌啲套餐都几吸引 ， 就入去试试。 一入去店员态度好亲切， 好有礼貌， 随即就送咗一碗虾片。 午市套餐好抵， 包嘢饮， 而且食物款式都好多， 每款都好想试。 佢哋嘅招牌菜有好多， 有鹅肝饭， 鸡油饭等。。。。。 想食清清地， 就拣咗个13么。 很快就嚟咗杯嘢饮， 系热饮乌龙茶， 饮落好fresh。 过咗一阵个面就嚟咗， 十三么嘅配料有好多，有鸡胸肉、溏心蛋鸡丝同菜， 份量好多。 配埋佢侧边嘅辣椒酱， 好惹味。 喺店内坐得好舒服， 慢慢叹呢个米粉， 享受一个美味嘅午餐。