影片
更多
2025-03-02
342 浏览
啟德零售館早前開幕，一直未有時間到訪，趁今日得閒，專登同朋友過嚟逛下。行完就喺場內搵食，見到呢間「四寶食堂」～門面以湖水藍為主調，內在環境寬敞，設有大量卡位，座位闊落鬆動，坐得十分舒服。餐廳主打冰室美食，晚市有燉湯、小菜、秘製馬來咖喱及東南亞特式炒粉麵等供應。點咗雞批、蛋撻同幾款家常小菜，餸菜+$28 可以升級套餐，包養生燉湯、白飯及飲品。蛋撻新鮮熱辣、 蛋味夠香夠重；雞批面層焗到金黃乾脆，入面餡料十足，食材亦醃得相當入味。今日嘅燉湯係木瓜瘦肉桃膠湯，木瓜綿糯，湯底清甜，飲得出無落味精。山楂汁脆皮拔絲咕嚕肉 ($98) 咕嚕肉外脆內鬆化，山楂汁酸甜濃稠，脆漿唔會過厚，做到拔絲效果，加上伴碟嘅菠蘿，送飯一流！ XO 醬西蘭花炒蝦球 ($78) 蝦球大大隻，新鮮爽彈，西蘭花吸收晒 XO 醬嘅濃香，惹味得嚟又唔會太辣，令人食慾大增。菜脯叉燒芙蓉蛋 ($68) 芙蓉蛋好靚仔，底面都煎至金黃色，邊位香口酥脆，入面有叉燒、蝦仁、火腿同韭黃等，配埋面頭嘅菜脯，微辣惹味。飲品點咗紅豆冰同龍鳳可樂，紅豆粉腍香甜，可樂鹹鹹酸酸，非常醒胃。
門面以湖水藍為主調，內在環境寬敞，設有大量卡位，座位闊落鬆動，坐得十分舒服。
餐廳主打冰室美食，晚市有燉湯、小菜、秘製馬來咖喱及東南亞特式炒粉麵等供應。
點咗雞批、蛋撻同幾款家常小菜，餸菜+$28 可以升級套餐，包養生燉湯、白飯及飲品。
蛋撻新鮮熱辣、 蛋味夠香夠重；雞批面層焗到金黃乾脆，入面餡料十足，食材亦醃得相當入味。
今日嘅燉湯係木瓜瘦肉桃膠湯，木瓜綿糯，湯底清甜，飲得出無落味精。
山楂汁脆皮拔絲咕嚕肉 ($98) 咕嚕肉外脆內鬆化，山楂汁酸甜濃稠，脆漿唔會過厚，做到拔絲效果，加上伴碟嘅菠蘿，送飯一流！ 
XO 醬西蘭花炒蝦球 ($78) 蝦球大大隻，新鮮爽彈，西蘭花吸收晒 XO 醬嘅濃香，惹味得嚟又唔會太辣，令人食慾大增。
菜脯叉燒芙蓉蛋 ($68) 芙蓉蛋好靚仔，底面都煎至金黃色，邊位香口酥脆，入面有叉燒、蝦仁、火腿同韭黃等，配埋面頭嘅菜脯，微辣惹味。
飲品點咗紅豆冰同龍鳳可樂，紅豆粉腍香甜，可樂鹹鹹酸酸，非常醒胃。
张贴
