古今二 (The ONE)

营业中

休息中

同朋友喺尖沙咀揾嘢食见到餐厅嘅menu几特别，Menu上每个菜式都有相片同埋详细嘅食材介绍，好方便拣食物。首先上碟嘅系日式麻酱豆腐沙律，份量足够2-3人食，里面有三文鱼子同中华沙律，配麻酱好夹，好开胃 。日式炸年糕即叫即炸，仲可以拉丝芝士！口感外脆内软。玉子烧非常香口，仲有好多蟹籽，份量足够～最后叫咗「火山」！压轴登场！摆盘成个火山咁靓，店员仲会攞火枪烧一烧，真系好靓好震撼。火山系火炙芝士牛油果蟹柳卷，好啱香港人口味。沙律酱同埋𠮶只芝士夹起嚟好好味！而且打卡一流！餐厅环境好舒适，枱同枱之间距离适中，倾偈都唔怕被隔离位听到。而且佢哋嘅酒吧区陈列咗好多唔同款式嘅酒，好有feel；同朋友聚餐又或者两个人撑枱脚都好适合。