綠色素食份子 (已結業)

朋友之前介绍过呢间餐厅，话唔错所以我地就去食。一入到去感到餐厅设计简约，光线充足，俾人一种好舒服嘅感觉。服务员态度非常好，即使落单嘅时候三心两意，但系仍然好有耐性咁帮我地落单，又推介唔同嘅菜式俾我地。首先有个餐汤。餐汤系甘笋粟米汤。个汤好甜，有啲似南瓜汤𠮶种质感。味道唔错。第二要介绍嘅系啲前菜。有云耳，麻酱豆腐同车厘茄。啲云耳嘅酱系酸酸的，非常开胃。麻酱豆腐嘅豆腐好软，啲酱同个豆腐好夹。车里茄最特别，因为佢用咗桂花糖水嚟当汁咁点，所以就算车厘茄几酸都好，都会有啲糖水嚟中和返。桂花味好清香，大大提高食欲。然后就到主菜。主菜有茄汁芝士焗牛肉饭同杂菜咖哩。首先讲下牛肉饭，个饭嘅配菜- 青椒，黄椒同红椒能将个饭嘅味道大大显咗出嚟，同时又唔会盖过啲茄汁味。个人认为系一个唔错嘅配搭。啲牛肉又唔会太难咬，证明焗嘅时间适中。跟著就系杂菜咖哩。个人认为个咖哩太辣（即使系小辣都已经好辣）。啲菜就一般啦，朋友话啲菜有啲老，特别系啲豆。套餐仲包一杯豆浆or苹果醋，十分抵！总括而言，呢间餐厅真系值得推介，无论环境定嘢食，都赢尽口碑，实在不能不试。