尚素 (已結業)

香港人一向都钟意食肉,但偶然中食下蔬菜清下肠胃都系一个唔错嘅选择,但无奈素菜选择唔多,比人感觉沉闷。今次就带屋企人食下新派素菜,一改大家观感。素叉烧由面筋制作而成,不论闻同食嘅味道都同正常叉烧有D相似,好似食紧旧瘦肉叉烧,味道仲有少少似斋烧鹅粒。腐皮卷被煎得香脆,内里包着大量嘅馅料,有竹笙,榆耳同菇。香口得黎口感亦够丰富。爽脆嘅翠玉瓜配上素花枝片再加以XO酱爆炒,素花枝片口感有D似蒟蒻,带有爽口嘅感觉。有松子仁,菇粒,翠肉瓜粒,红萝卜作为配料,再配上黑松露嘅炒饭。饭炒得够干身粒粒分明,但亦唔会有油腻感。略嫌黑松露味唔够突出,不过香口嘅松子仁最令成碟炒饭更加分,增添一股香气同口感。