素菲亞 (安發大廈) (已結業)

今次已经系第二次黎Sofia, 刚好今晚中秋初十五，带埋屋企人黎食素，地方又大又舒服，虽然六个人要分两枱座，不过无损心情。一定要推介就系signature ：Tofu Hero 豆腐英雄。其实系炸豆腐黑松露芝士，切出黎重要系流心！正！不过豆腐味系少啲，反而好重芝士黑松露味😂虽然望落得旧炸豆腐，但系入面咁足料，加埋下面块包同薯条（其实可以拣薯蓉），其实好饱架。红咖哩鱼黑糯米饭 - 好特别！首先啲泡泡就系红咖哩啦😂然后讲一讲主角：两块鱼块，其实口感似似地鱼，但又有啲似鱼饼，都ok既有啲惊喜；另外个饭好浓花椒八角味，好南亚风情feel , 一啲都唔济，另一个推介！黑松露茄子千层 - menu 话limited only 所以唔考虑太多就叫左，layers 真系好食既但系size真系...好细lol唔讲以为系前菜，作为主菜系完全唔够饱。最后加钱叫左甜品-blueberry cheese cake , 最好食系隔离粒「马卡龙」，原因系中间加左个馅，食落唔会觉得成口糖🥳🥳$28黎讲真系好抵食。