入素

营业中

休息中

早排晚上去了沙田石门揾嘢食，进入了一间新派素食舖，见到餐牌都几多选择，同旧式斋舖唔同，唔系以前𠮶啲罗汉斋炒面、斋卤味等旧式斋，反而几多新款式。于是叫咗个咖哩汁配手抓饼、入素小拼盘、蟹粉乌冬同鬼马牛肉。首先讲个手抓饼，食落去几香，同埋块饼都仲热(有啲舖头块饼上到枱已经系冻)配埋个咖哩汁好似食紧印度菜咁。然后到个拼盘，有春卷、鱼饼、鸡肉串烧、牛脷串烧同埋薯条沙律。个拼盘最正系串牛脷，食落去好香，同埋个口感好似真嘅牛脷。跟住到过蟹粉乌冬，啲蟹粉用咸蛋黄做，配埋啲乌冬食几香，啲乌冬又唔淋，同埋个乌冬仲有个汤，入面有啲蔬菜同斋贡丸，啲贡丸食埋去同平时食开嘅贡丸无分别(咁即系应该平时食到嘅贡丸入面都系无肉)。重点系个鬼马牛肉，呢味𩠌出面都唔多餐厅有，啲油炸鬼仲脆，唔会淋晒，同个斋牛肉食落去同真牛肉嘅感觉无咩分别，味道唔错，可以再嚟试埋其他菜色。