四寶食堂 (啟德零售館3)

营业中

休息中

餐厅座落于启德零售馆三号，近宋皇台站多啲，主打平靓正，大件夹抵食嘅港式料理，早午下午茶晚餐有唔同食物供应，店内环境唔算好大，装潢行新派简约风格，门口仲有个大大个透明玻璃摆放多款种类嘅面包，几吸睛。另外值得一赞嘅系店员服务态度友善，出边好少有㗎啦。一坐低即刻叫咗蛋挞同埋鸡批，好惊晏啲落单就会冇，因为真系好吸引，烘焙师傅有料到，蛋挞系酥皮底，酥脆可口，蛋味唔算好出，但胜在够滑。鸡批同样出众，外皮金黄色，香脆唔油腻，内里包著超多鸡肉，食完一个已经饱咗半。如果攞埋去焗一焗热再送上会更好🤣主食方面都有唔少款色，肉类蔬菜粉面饭小食样样有齐，老少咸宜，份量合理。私心推介沙嗲串烧，铁板上，上枱时咋咋声，香气四溢，鸡同猪嫩滑多汁，酱汁惹味得嚟唔会死咸。另有黑椒猪手，同样都系原只铁板上，皮弹牙且啖啖肉，酱汁好弹，着白色衫小心，呢款适合多人分享。咕噜肉有惊喜，难怪抬抬都有叫，山楂汁微微酸甜，够挂汁，外层脆身而且仲有拔丝效果！拔道腩水门鸡半只上，鸡肉嫩滑唔干柴，点埋酱汁可带出鸡嘅鲜味。想食的健康啲嘅可以要XO酱滑蛋炒虾球同西兰花炒虾球，虾球大只Q弹，滑蛋似蛋饼多啲啲，西兰花爽口入味，各有千秋。