喜鍋 海鮮.點心.活刺身 蒸氣石鍋專門店 (已結業)

近排香港兴起蒸气火锅，上网见到依间好似唔错甘，所以就一于就试下新野啦！依间舖入面既装修都好靓，好别致，环境好舒适，坐得好舒服。蕃薯蚬大大粒，粒蚬肉系同个壳差唔多size！！食落好鲜甜，好有咬口，得四粒真系好唔够喉！！鲍鱼系用虫草花同姜丝调味，个鲍鱼都几大粒，好吸引。食落口啖啖肉，而目好弹牙，口内满满既鲜甜味，配以淡淡既虫草花味，更能带出鲍鱼本身既鲜甜味，新鲜既食材配以简单既调味已经可以好好味！和牛片切得薄薄地，好快就蒸熟。牛肉片食落十分嫩，而且带有浓浓既牛肉味。食落口有湿润既口感，唔会干身。依种蒸法带出左肉既鲜味，系一种唔错既烹调方法。条鱼剩系加左d姜葱去调味，但蒸既时间较得岩岩好，令到条鱼岩岩熟，肉质嫩滑，新鲜既鱼最后既煮法就系清蒸！☺将个南瓜排骨粥既材料首先放系锅既最低，最特别既系依个粥系唔洗落水，用蒸既方法将佢煮熟。好特别既做法，最后侍应拎出一壸汤倒入d粥到再煮五分钟到就完成。粥煲得好绵，而且有十分鲜甜既味道，应该系系之前上层既海鲜精华渗左落黎，依个粥真系做得好出色，好快就俾我地清晒！