芽莊越式料理 (順安閣)

营业中

休息中

芽庄中环好耐之前食过，到太古开咗分店后都时有帮趁。 七点半后去到等咗约三十分钟有位，肚都打晒鼓所以马上点菜。香茅猪扒捞檬： 大碗檬粉而猪扒份量都好多，猪扒用香茅腌得入味，捞埋檬汁食好惹味。河内蟹肉檬粉： 色彩鲜艳有大量蕃茄、蟹肉&猪肉碎、蛋饼，汤鲜甜又酸酸咪咪好开胃。牛油鸡翼：鸡中翼外面炸得香脆，里面嫩滑有汁，略兼牛油味唔够出。越式糯米饭：上面有炸干葱、扎肉、鸡丝，而下面有充满椰汁香味新鲜热辣糯米饭，捞埋一齐食好滋味。肉丸滨海： 将幼米粉、肉丸、金不换、薄荷叶、紫酥叶、青瓜片放入生菜里面包住食，好清新。菠萝冰：估唔到好好味，菠萝应该煮过味道浓郁，好多菠萝肉一边食一边饮。越式薄饼：一板脆身落饼内有绿豆粒同煎，折一半放入生芽菜、炒过嘅虾、洋葱。几特别，不过有啲油。