影片
2016-07-03
346 浏览
尖沙咀厚福街H8成幢楼都系食嘢嘅，有唔少特别嘅餐厅都坐落系呢度，近期就有一间新开嘅新派韩式料理韩半岛开咗系一楼，差唔多行到去H8就会见到，最重要嘅因为佢系一楼，我哋就可以避过长长嘅人龙（真系长时间都系好多人等紧搭䢂），直接喺后楼梯行上一楼，起码悭咗15分钟。同传统嘅韩国餐厅常用红色装修好唔同，韩半岛成个布置都系以白色为主，装修简约。揭开餐牌，所有嘅菜式都系以韩国一啲传统或者地方或者风景来命名，好有趣，同时间你要在花多啲时间去睇下佢嘅介绍，厨师大概就系用呢种方法令到食客更加俾心机去了解每一道菜。回想玩鼠火游戏的日子(迷你石锅拌饭)＄68老实讲，我真系唔知乜嘢系鼠火游戏，所以呢未石锅拌饭对我来讲，个名冇乜好特别嘅概念，拌饭嘅材料有青菜，芽菜，红萝卜，冬菇丝，蛋皮。每一样都系分开上，然之后比你自己加自己钟意食嘅材料落去，多少都系自己控制。岛潭三峰繁花盛开(炖牛排骨)＄158都系果句啦，我唔知边度系岛潭三峰，但系繁花盛开嘅画面就真系可以喺度菜度见到，道菜嘅摆设好得意，留咗一半白，牛排骨下面系薯蓉，薯蓉似地下，牛排骨似树干，上面在用咗一啲唔同颜色嘅配菜，就好似俾人坐系空白嘅地方，望住花开嘅样，我
同传统嘅韩国餐厅常用红色装修好唔同，韩半岛成个布置都系以白色为主，装修简约。揭开餐牌，所有嘅菜式都系以韩国一啲传统或者地方或者风景来命名，好有趣，同时间你要在花多啲时间去睇下佢嘅介绍，厨师大概就系用呢种方法令到食客更加俾心机去了解每一道菜。
回想玩鼠火游戏的日子(迷你石锅拌饭)＄68
老实讲，我真系唔知乜嘢系鼠火游戏，所以呢未石锅拌饭对我来讲，个名冇乜好特别嘅概念，拌饭嘅材料有青菜，芽菜，红萝卜，冬菇丝，蛋皮。每一样都系分开上，然之后比你自己加自己钟意食嘅材料落去，多少都系自己控制。岛潭三峰繁花盛开(炖牛排骨)＄158
都系果句啦，我唔知边度系岛潭三峰，但系繁花盛开嘅画面就真系可以喺度菜度见到，道菜嘅摆设好得意，留咗一半白，牛排骨下面系薯蓉，薯蓉似地下，牛排骨似树干，上面在用咗一啲唔同颜色嘅配菜，就好似俾人坐系空白嘅地方，望住花开嘅样，我估系咁啦。手排骨炖得好琳，好甜好入味，底下嘅薯蓉有浓郁嘅牛油味，两只夹埋反而带出咗西餐嘅风味，而唔系传统嘅韩国菜。我们家乡的环形天桥(泡菜五花腩薯仔煎饼)＄98
唔知系咪为咗切合环形天桥，配菜例如红椒同埋薯仔丝都系切成条状，虽然加咗泡菜，但系食落一啲都唔辣，附送嘅汁鲜红色，起初仲要系好辣添，但系食落原来系醉味重啲，完全冇辣味，五花腩肉肥咗少少，薯仔切丝用黎煎饼我系第一次见，通常出面𠮶啲都系薯仔沟左份搓成饼状，而家少咗啲烟韧，但系多咗啲爽脆。四个人嘅关系，我哋另外再带多咗啲嘢食，埋单都系六百几蚊姐，新开嘅韩国菜黎讲，价钱绝对合理。
张贴
