반찬앤쿡 Banchan and Cook (屯門市廣場1期)

营业中

休息中

餐厅装修简约，唔少角落放左啲干花，望落好舒服，好有休闲的感觉。食物的份量都偏大，好适合多几个人share，每样食啲咁😚🔸牛肝菌蛋包饭🍄一上枱就会闻到好香的菇菌味🍄店员会帮忙切开蛋包饭，个半熟蛋真系煎得好靓，色泽均匀，一切开系超嫩滑的蛋😍🔸炸芝士猪扒忌廉年糕🐷🧀芝士猪扒炸得好脆口，中间芝士有拉丝的感觉，一人食一件刚刚好🧀年糕味道似卡邦尼忌廉味，本身以为会好溜，但系食又高又食一旧，停唔到口🤣🔸慢煮羊膝配薯条🐑呢款有啲东南亚风，可能因为落咗啲香料腌制，肉质软腍，无羊的膻味。唔好睇佢好大条骨咁，切开好多肉食，3、4个人share就啱晒～🔸玫瑰酱无骨炸鸡🍗🍖叫炸鸡都会包韩式前菜，今日就有腌萝卜同薯仔沙律。拣咗餐厅嘅招牌口味玫瑰酱🌹睇餐牌介绍玫瑰酱并唔系玫瑰花味道，而系由番茄酱、奶油酱、辣椒酱混合而成的酱汁，酱既颜色好似玫瑰色，所以先叫做玫瑰酱。味道都几有层次，酸酸辣辣。半份炸鸡份量都好多，仲有薯条同年糕。🔸韩式杂莓牛角包窝夫🧇🍓🫐而家韩式甜品兴牛角包窝夫，我哋都叫左个share，卖相精致，窝夫食落酥脆，带有牛油香，配上忌廉同水果食一流！🔸盛夏冰爽西瓜柠檬梳打🍉士多啤梨香蕉奶昔🍓🍌好适合夏天的特饮