媽咪雞蛋仔

营业中

休息中

今日离远就见到系天星码头开咗间新嘅「妈咪鸡蛋仔」。即刻去帮衬一下先。可以系佢近窗边𠮶边打个卡，除咗有天星小轮背景之外，仲有由香港插画师MOONCASKET，嘅壁画陪大家一齐食鸡蛋仔。妈咪鸡蛋仔其实系2009年先发迹，由2016-2021连续六年被米芝连推介嘅街头小食。佢哋除咗有传统口味鸡蛋仔之外，仲有好多唔同花款嘅口味。朱古力、抹茶、咖啡等等，今次就试咗一个好特别嘅法式柠檬芝士鸡蛋仔。鸡蛋仔酸酸甜甜，又有少少芝士味，味道好清新。虽然系mix咗法式crepe嘅口味，但系非常之夹。而家喺佢哋𠮶度买鸡蛋仔再买饮品，即时减$4，可以试吓佢哋嘅红豆奶茶或者水蜜桃果茶，味道都唔错。