籠太子點心專門店 (已結業)

话说好耐都无同老公饮过茶了，于是乎去左筲箕湾叹下茶，呢一间比较新派嘅点心餐厅，格局系做得新式少少，想吸纳一啲年轻嘅客人，不过眼见餐厅大部分都仍然是比较年长嘅客人，可能价格都平民，而且倾计会比较舒服，相比起无酒楼咁嘈吵。-笼太子虾饺皇话明虾饺皇当然要大粒，的确几胀卜卜，虾饺皮都薄，重点系入面嘅馅料都好足料，大约有2-3只虾份量，而且食落都好爽口弹牙。-不是炸两见到个名咁有趣，当然要试吓啦，讲明不是炸两，落到枱时都仲以为系炸两，点知咬落先发现，真系不是炸两，肠粉皮薄，内层脆卜卜的，口感好得意，最内里有虾肉馅及西芹，层次好丰富，味道都唔错。-煎虾胶酿茄子茄子好腍而且好入味，酿咗虾胶系茄子上，卖相都几好，但虾胶有少少偏咸，但整体系好味的。-蒜香虾春卷春卷外皮香脆，是刚刚炸起的，每一啖都咬到入面虾的馅料，味道就正正常常，无特别惊喜。-腊味饭腊味可能比较贵价，只有2小条腊肠及腊肉，腊肠味道唔错，但腊肉就偏咸咗少少，而且挂住腊肉嘅绳都无剪走，仲系腊肉上，然后食食下饭中间有2条绳系饭入面，可以切走条绳会比较好，其实味道系可以，只系因为条绳感觉唔良好而扣分。-总结，店员嘅服务就一般，食物质素都几好，而且