影片
更多
2024-11-18
846 浏览
见佢新开，又好似都几多人食，路过谂唔到食乜，咁即管试下啦.. 2个人叫咗一碗生牛肉金边粉 ＋热柠茶，一碗猪颈肉捞蒙 ＋热咖啡 ，再加个三色芒果糯米饭首先碗牛肉金边粉，收得人过百蚊但碗粉唔算大碗都算，啲金边粉佢竟然有能力整到仲淋过烚过龙嘅河粉，牛肉正常啦，但啲香叶/九层塔好贵咩？！ 比得三块叶仔咁大把！个楷的士咁大粒嘅青柠仲要系干水唧唔出汁嘅，洋葱丝同芽菜得个两条仔，睇黎食材真系非常珍贵！到碗猪颈肉捞蒙，个蒙粉都系太淋，完全冇食捞蒙想要果种爽口。猪颈肉又系怪怪的，个样望落似系猪颈肉嘅，但食入口个质地唔系平时食个种肥瘦相间爽口嘅感觉，而系好淋煲汤猪肉咁嘅质地 （我希望我食个旧真系猪颈肉啦.. ) 花生碎又系非常珍贵，得个几粒仔... 而平时食捞蒙常见嘅菜丝青瓜丝萝卜丝，唔知系唔系处理真系好烦复好花人手，统统欠奉。取而代之嘅系几粒完全唔夹嘅菠萝碎.. 到两杯嘢饮，热柠茶正常，但果杯明显系Capsule 机唧出嚟嘅咖啡淡到根本冇味，唔知系咪佢冇人识Set部机或者连Capsule机都唔识用.. 去到食个芒果糯米饭先知，头先个两碗粉根本唔算得系啲咩，呢个街知巷闻嘅甜品先系惊典！ 亦系佢令我咁有
2个人叫咗一碗生牛肉金边粉 ＋热柠茶，一碗猪颈肉捞蒙 ＋热咖啡 ，再加个三色芒果糯米饭
首先碗牛肉金边粉，收得人过百蚊但碗粉唔算大碗都算，啲金边粉佢竟然有能力整到仲淋过烚过龙嘅河粉，牛肉正常啦，但啲香叶/九层塔好贵咩？！ 比得三块叶仔咁大把！个楷的士咁大粒嘅青柠仲要系干水唧唔出汁嘅，洋葱丝同芽菜得个两条仔，睇黎食材真系非常珍贵！
到碗猪颈肉捞蒙，个蒙粉都系太淋，完全冇食捞蒙想要果种爽口。猪颈肉又系怪怪的，个样望落似系猪颈肉嘅，但食入口个质地唔系平时食个种肥瘦相间爽口嘅感觉，而系好淋煲汤猪肉咁嘅质地 （我希望我食个旧真系猪颈肉啦.. ) 花生碎又系非常珍贵，得个几粒仔... 而平时食捞蒙常见嘅菜丝青瓜丝萝卜丝，唔知系唔系处理真系好烦复好花人手，统统欠奉。取而代之嘅系几粒完全唔夹嘅菠萝碎..
到两杯嘢饮，热柠茶正常，但果杯明显系Capsule 机唧出嚟嘅咖啡淡到根本冇味，唔知系咪佢冇人识Set部机或者连Capsule机都唔识用..
去到食个芒果糯米饭先知，头先个两碗粉根本唔算得系啲咩，呢个街知巷闻嘅甜品先系惊典！ 亦系佢令我咁有动力写呢篇食评！(that’s why 我只有影到芒果糯米饭嘅相）
以泰国菜喺香港多年普遍嘅程度，我相信香港人食泰国嘢/芒果糯米饭嘅经验一定唔少（包扣餐厅老板管理层同职员），但佢呢个芒果糯米饭相对我以住食嘅无论喺九龙城小店、各区大小商场泰国餐厅、甚至泰国当地酒店同街边档，佢都相当有”特色”！第一，算我孤陋寡闻，真系第一次食个咁悭水悭力芒果肉连皮上嘅芒果糯米饭！可知芒果糯米饭好食嘅地方正系一笔落去成啖鲜甜芒果肉连糯米椰汁放入口，有乜理由仲要个客食时自己慢慢起皮？！ 唔只芒果唔去皮，画龙点睛嘅炸绿豆瓣亦都欠奉，取而代之嘅系几粒完全唔夹嘅应该系花生碎... 而个椰汁明显完全冇处理过罐头直出 （要加糖加粘米粉煮架.. ) ，冇味稀框框 ，淋上面佢根本停唔到系啲芒果同糯米饭上面令佢酸甜椰香相配..
明白而家做餐厅人力成本好高，出街食餐饭已经唔系求你比好大份量同明贵食材，但唔该可唔可以尊重返D食材，唔好浪费食物，用返D正常处理方法Serve 客？！
P.S. 枱细位迫都算，仲要员工坐位安排欠妥善，话晒都食紧过百蚊一碗嘅越南粉，体验仲差过茶记，我喺茶记食都未试坐位迫到比隔离枱肥大婶撞！唔够位就唔好比客坐啦，明明个张系2人枱你夹硬比5个大人迫落嚟坐到痴落我度！ 人都癫！
张贴
