搵食工房

营业中

休息中

同哥哥去完仁安覆完诊已经六点几，肚仔饿返去马鞍山揾地方食晚餐。试咗呢间餐厅，见佢几光猛企理。其实之前经过吾多觉眼，原来真系新开业大概2-3个月。觉得佢哋嘅食物品质唔错而价钱又好合理，要推荐一下。本人尤其钟意个《焗咖喱牛脷饭》，十分出色，汁够香浓，系炒饭底，面铺有芝士，牛利厚切足五大片，真心好味又超值。另一个拣咗晚餐，系《红酒野菌鸳鸯扒配吉列蚝》，鸳鸯扒系牛扒同鸡扒，扒煎得好好，表面微脆而仍保存多肉汁，配菜系焗薯，然后仲包餐汤及饮品都系$78 ，真系好味又抵食。餐厅食物选择很多，除了焗饭，亦有意粉和沙律。此外，亦有扒类供选择。价钱相当合理，真系益街坊价，难怪七点多少少已经斤爆埸。