上海佬餐館 (已結業)

听同事讲杜老志道新开一间新既上海菜，就谂住初四去开年。原来就系The Tonno既1楼，之前试过佢地既上海菜，已经觉得唔错，去度原来依家变作一间餐厅，变得更加宽敞舒服，装修得好型，全部都用黑色，都几得意。 我地四个人要左一份四人lunch set。前菜：花雕酒醉鸡 镇江肴肉 香干马兰头 脆皮素鹅 我个人就好钟意食果个马兰头卷， 好香好清甜。唔似其他上海餐厅食到既，苦苦地。同之前Business trip系上海食到既口味一样。主菜：火腿津白崧子糖醋桂花鱼宫保鸡丁云石豆腐羹因为我个人比较钟意D酸酸甜甜口味既𩠌，呢道崧子糖醋黄鱼好啱我，鱼肉都好香，同埋好少骨，因为我食鱼最憎骨头。 配埋我地叫既豆腐羹， 一个字， 正！个甜品最正，又系上海典型小食 － 生煎包同埋酒酿圆子，酒酿圆子既桂花香味好浓郁，香港好少有桂花香味既酒酿圆子，食到我地个个都嘴lam lam。最后埋单$400松D， 价钱都算ok，虽然仲系好新，但系店员都好好招呼，下次会再来。