影片
更多
2016-02-12
647 浏览
因为要在最后一日限期攞Openrice送嘅酒店年榚，所以带住3只马骝去到圆方，先去食个午餐，圆方虽然有唔少食店，但啱价钱嘅唔多！呢间南小馆新开，去到要等位，大约5分钟左右有位， 装修新潮，唔似上海食店！安排坐在店内一个倔头位，唔开扬（正面可以叫自成一角）在店外已睇定菜式，得我一个大人，小朋友又唔食辣，可以拣嘅菜色唔多！落单后店员通知无晒海蜇，又少一样！ 可能新开店，服务唔太顺畅，首先我哋入座时张枱只有3份餐具，坐低都无加比我，要我出声先攞，同一个执枱中嘅女店员讲要加茶，佢无应我，转头佢攞茶壶来加茶，但对唔准水杯，结果张枱湿晒！ 前菜（$15）黑椒豆干丝好干身，平常豆干会有啲弹牙！呢个无，只有微辣！咸花生粒就唔错，咸香香脆！ 糖醋排骨（$58）啲酱料冻到糊晒，平常甩系玻璃感啲，食落浆口，但又唔够酸，带唔出肉味，肉排本身嚡，无肉汁！差！ 鲜肉小笼包（$48）新鲜蒸，皮够烟韧，包得到啲肉汤！肉汤鲜甜，肉馅嫩口！好味！ 金网黄鱼生煎锅贴（$48）锅贴蒸得香脆，鱼肉馅嘅锅贴第一次食，有鱼汤但比较腥！点喼汁帮助不大！ 上海菜肉馄饨汤（$42）汤底清爽，馄饨皮滑，馅料菜多肉少，有肉汁兼
装修新潮，唔似上海食店！安排坐在店内一个倔头位，唔开扬（正面可以叫自成一角）在店外已睇定菜式，得我一个大人，小朋友又唔食辣，可以拣嘅菜色唔多！落单后店员通知无晒海蜇，又少一样！
可能新开店，服务唔太顺畅，首先我哋入座时张枱只有3份餐具，坐低都无加比我，要我出声先攞，同一个执枱中嘅女店员讲要加茶，佢无应我，转头佢攞茶壶来加茶，但对唔准水杯，结果张枱湿晒！
前菜（$15）黑椒豆干丝好干身，平常豆干会有啲弹牙！呢个无，只有微辣！咸花生粒就唔错，咸香香脆！
糖醋排骨（$58）啲酱料冻到糊晒，平常甩系玻璃感啲，食落浆口，但又唔够酸，带唔出肉味，肉排本身嚡，无肉汁！差！
鲜肉小笼包（$48）新鲜蒸，皮够烟韧，包得到啲肉汤！肉汤鲜甜，肉馅嫩口！好味！
金网黄鱼生煎锅贴（$48）锅贴蒸得香脆，鱼肉馅嘅锅贴第一次食，有鱼汤但比较腥！点喼汁帮助不大！
上海菜肉馄饨汤（$42）汤底清爽，馄饨皮滑，馅料菜多肉少，有肉汁兼爽口！
葱油开洋拌面（$42）葱油好香，又唔会好咸，面烟韧！简单又好好味！如果服务顺畅啲会更好！
张贴
