喜喜冰室 (已搬遷) 新店位置

喜喜冰室系一间好特别既冰室，冰室呢个名字，系六七十年代好兴既，不过现在冰室已成一个式微既行业，但香港兴复古，所以某某美术指导就开了这间冰室，实行旧调新词。这里既出品好多都系怀旧食品同饮品，饮品首推已消失系茶餐厅既黑牛、忌廉沟解奶等等，十分怀旧，真系谂起都想饮番杯。而食品方面，都有猪润通、炸鸡脾沙律及焗牛脷饭等等。不过讲到惊喜，绝对是装饰陈设，极之欣赏糖盒，因为所有茶餐厅都已经转用砂糖或砂糖包时，佢地用回方糖，仲好整齐地排好，转用砂糖系因为一来悭时间refill，二来悭地方，三来方便卫生。墙上既装饰同摆设都有好多怀旧物品，而且仲特登整到残残旧旧，十分有趣。黎到呢到一定要试下佢个特餐，鸡批浮台配香蕉合桃班戟，鸡批浮台即系鸡批放在青豆蓉汤上面，食时将鸡批压碎混入青豆蓉汤内一起食。青豆蓉汤味道略咸，但混完鸡批之后，味道好夹。而个香蕉合桃班戟，开初觉得应该几甜，因为上面淋上了一些炼奶既酱汁，可是连香蕉同合桃一起，又不是太甜，好后悔没有加钱加软雪糕，因为冻与热，永远都系刺激既享受。另外，叫了一个焗牛脷饭，焗得香喷喷，味道都几好，唔会太酸，又唔会太甜，而且好多餐厅D牛脷好膻，呢到反而无咁既味道，牛脷