悠蔬食 (渣甸中心) (已結業)

成日都觉得系香港，揾一间有质素嘅素食餐厅真系好有难度。咁岩最近有个朋友同我介绍左呢一间悠蔬食，话呢间素食店非常出色，咁我当然第一时间叫埋女朋友一齐试吓啦。入到去间餐厅发觉个选择都真系好多。不过我同我女朋友都费事拣啦，于是呢就跟咗个Menu𠮶dinner set黎叫。个dinner set包左好多嘢。首先上菜嘅系麻酱牛蒡青瓜粉皮，柚香红菜头苹果拌合桃，同埋脆藜麦罗马番茄拌芝麻酱。我特别钟意佢个麻酱牛蒡青瓜粉皮，牛蒡同青瓜本身都系又清甜又脆口，而家捞埋落麻酱粉皮度真系超正手卷方面，我就叫咗个芦笋素香松苜蓿牙手卷，而我女朋友就叫咗香芒牛油果苜蓿牙手卷。其中个素香松有肉松既松脆口感，我觉得真系几特别跟住就系汤。我地叫咗个白松露椰菜花忌廉浓汤同埋松茸竹笙黄耳百合炖汤。一中一西，两款汤都好好饮。尤其系中式炖汤，饮完都觉得好滋补。跟住到主菜。我地叫左个菠菜野菌忌廉烩扁意粉配脆烤茄子同埋大啡菇鲜豆包栗子紫薯焗千层阔面。个扁意粉嘅忌廉汁好香浓好出色。而个千层阔面入面包埋一粒粒嘅栗子同埋紫薯𠮶种甜丝丝嘅感觉出晒嚟。正啊！甜品方面，我哋叫咗椰香紫薯千层糕同埋榛子焦糖乳酪蛋糕。个千层糕唔会太甜又好有椰香味，推