潮膳 (已結業)

对上一次食潮州野已经系几年前啦，今日朋友带我去湾仔大马路食潮州野。下？冇听错，间食店系大马路旁，非常易揾！呢间食店新开冇耐，座位阔落又光猛，同我印象中既潮州食店有D唔同。而且越夜越多人入黎，无他既，因为佢D价钱有平有贵，算系大众化。我地叫左个平价二人餐(另有一个八百几既二人餐，有冻蟹)，有卤水拼盘，又可以拣两个小菜，亦有甜品糖水。我系MENU 上见到反沙芋已经。好啦，前菜黎啦，潮州野当然少不了卤水拼盘啦。虽然呢个系细SIZE，但有鹅掌鹅件、札肉、腩肉、猪耳，仲有大豆芽衬底。卤水唔咸又入味，唔错。小菜拣左冰梅骨，酸酸甜甜几开胃，加上肉质嫩，唔觉唔觉就食左好多旧啦，不过如果外层脆就更好啦。另一个小菜系蚝仔烙，唔好以为蚝仔烙系好似蚝仔饼咁，加上呢度D蚝仔一D都唔「仔」，好大粒，成个感觉好似食紧炒蚝蛋咁，唔似蚝饼咁油。一来反沙芋唔系度度有得食，二来系一个巧手既菜式，虽然材料好简单，正正就系咁，更加可以食得出当中既心思。芋头够粉，加上炸至微黄，已经好食，外皮香甜包住成条芋头。VERY NICE仲有水晶粿同绿豆爽，水晶粿烟UN得黎红豆馅都香口，仲有淡淡葱香添。不过绿豆爽就稍为甜左D，少甜就最好啦最