秘 (享成街)

营业中

休息中

今次揾食在荃湾的一间创意日式店，炸牛炸得牛之余，当然要食其他炸野又如何啦。因为无预约，去到要得三张枱，留了电话就去隔离广场走走，约半小时有多就电话到，之后去到坐下，不过广场到店舖有十分钟路程，但张枱仲未清理好，真系好忙。唔讲咁多，去相。软壳蟹炸得好，外脆内软，加上避风塘口味，是喜欢软壳蟹的朋友必点的选择。薯丝虾都炸得几好，不过比起软壳蟹就一般左点。主菜来到，主菜加38元可配上定食，芝士味十分重的吉列猪，一定要配上饭，饭上放满拌饭素，流心蛋十分甜，不过这些重味的食物配上樱花昆布汤就显得格外清淡，如果转做味噌汤就会好点。而吉列牛是对牛肉的另一番感受，加上石烧，可以话一次过实现多个愿望，不过黑松露就唔系咁食得出，而且只是普通牛扒，所以有点根和牛味不足。最后结帐446元无加一，三个人都系百几元是合理，店舖细不过唔多座位，所以十分阔落，不过因为位唔多，所以晚点来要等三四张枱，上菜速度正常，整体都算满意，如果食物味道可以再改善就更好。