baby café (已結業)

星期日，虽然落雨但仍然因为难得放假所以去新西行下食下！夜晚去到屯门市广场，上两层有好多野食，7点几去到，见baby cafe唔系好洗等啲价钱又合理，加上未试过，就试下！睇食评好多劣评，但食又唔觉！除左侍应态度差之外，其实不错！叫左个二人组合，两个主菜一个小食，叫左个汉堡同芝士海鲜意大利饭，小食要左鸡翼拼薯角，$168!再加左个汤同是日餐饮荔枝茶$23！汉堡估唔到都几好食，牛肉煮得啱啱好，旁边嘅沙律菜亦都几新鲜，个汁好醒胃，食下食下就食晒！芝士意大利饭算几足料，有淡淡芝士香，其实我觉得芝士少少就够，太劲反而会觉得滞！鸡翼除左细只左少少之外，味道就出奇地好，蜜糖甜甜的，肉质亦唔会太林/硬，几有咬口，呢个好味！薯角同薯条就正正常常无乜特别！总括嚟讲，我觉得算抵食而且好食，人均100唔洗，而家好难揾到！