影片
更多
2023-11-23
86 浏览
好少嚟屯门，但呢间餐厅值得回头！餐厅氛围好好，有个萤幕会播放唔同年代嘅英语流行曲，无论系向河定系望室内都有一番风味。佢哋嘅二人套餐好抵食，唔使$300有齐餐汤，沙律，餐饮，两道主菜，仲可以以优惠价加倍意粉同埋甜品！职员态度仲好好，一坐低就已经向我哋介绍餐牌，仲推介左佢哋嘅热门食物，喺呢个年代以咁嘅价钱食饭都有咁高质嘅服务，实属少见。餐汤系蘑菇忌廉汤，汤上面加左香草，更加凸显出汤嘅香浓。碗汤大大碗又暖笠笠，为冬天带黎一阵暖意。杯柠檬茶大过块面，仲可以免费添加！新鲜爽脆嘅沙律菜加埋酸酸甜甜嘅柚子汁好开胃，帮个肚打好准备食主菜。呢度嘅牛扒系厨师发办，主打食稀有部位，餐厅每日提供嘅牛扒款式都唔同，今日就提供一个比较稀有嘅部位侧边腹肌牛扒，部位偏瘦，但系牛味比较香浓。香煎深海石斑鱼外皮煎到脆卜卜，最好食系佢嘅白酒忌廉汁，白酒嘅香味好出，令我薯条都用呢个酱汁点嚟食（呢度嘅薯条都系任食哦！ ）香煎鲍鱼蟹膏蟹肉意大利烩饭一粒粒煮到啱啱好 Al Dante，加埋十足份量嘅蟹膏蟹肉丝，鲜味香甜，仲有香煎鲍鱼，成碟配搭超级完美。巴别塔甜品拼盘非常吸睛，两旧巨大嘅牛角窝夫，仲有一嚿心太软，一切落去爆晒浆，配埋
好少嚟屯门，但呢间餐厅值得回头！餐厅氛围好好，有个萤幕会播放唔同年代嘅英语流行曲，无论系向河定系望室内都有一番风味。佢哋嘅二人套餐好抵食，唔使$300有齐餐汤，沙律，餐饮，两道主菜，仲可以以优惠价加倍意粉同埋甜品！
职员态度仲好好，一坐低就已经向我哋介绍餐牌，仲推介左佢哋嘅热门食物，喺呢个年代以咁嘅价钱食饭都有咁高质嘅服务，实属少见。
餐汤系蘑菇忌廉汤，汤上面加左香草，更加凸显出汤嘅香浓。碗汤大大碗又暖笠笠，为冬天带黎一阵暖意。杯柠檬茶大过块面，仲可以免费添加！
新鲜爽脆嘅沙律菜加埋酸酸甜甜嘅柚子汁好开胃，帮个肚打好准备食主菜。
呢度嘅牛扒系厨师发办，主打食稀有部位，餐厅每日提供嘅牛扒款式都唔同，今日就提供一个比较稀有嘅部位侧边腹肌牛扒，部位偏瘦，但系牛味比较香浓。
香煎深海石斑鱼外皮煎到脆卜卜，最好食系佢嘅白酒忌廉汁，白酒嘅香味好出，令我薯条都用呢个酱汁点嚟食（呢度嘅薯条都系任食哦！ ）
香煎鲍鱼蟹膏蟹肉意大利烩饭一粒粒煮到啱啱好 Al Dante，加埋十足份量嘅蟹膏蟹肉丝，鲜味香甜，仲有香煎鲍鱼，成碟配搭超级完美。
巴别塔甜品拼盘非常吸睛，两旧巨大嘅牛角窝夫，仲有一嚿心太软，一切落去爆晒浆，配埋四球雪糕，完美嘅总结！
张贴
