帕莎 (已結業)

之前睇过食评见几特别所以试吓新嘢，当升降机开门发觉环境好特别好中东Feel，入餐厅时待应生为我哋洗手(有带呢好运意思)，好特别。不过餐厅无免费水提供呢样就差Ｄ各人点咗Ｄ嘢饮，基本每杯都唔错，除咗我自己𠮶杯〝沉醉之味〞好难饮有Ｄ似药水加冰新疆包(Free)，几好味同几松软，搽Ｄ鸡肝酱再好味Ｄ。羊肉烤卷，饼面好香好有肉汁，好好味。串烧鸡、羊、牛，肉质鲜嫩有肉汁好香口，赞！马肠焗烤饼，同食Pizza分别唔大，不过都好味。牛肉馅饼唔错饼内好多肉汁。煎窝贴，皮加入南瓜做，而馅系鸭肉，好好味，赞！！烤包，焗得好香唔硬，正！鸭崧义子烧饼，鸭崧好好味又唔咸，配义子烧饼同烤包一流，赞！古法烤春鸡，肉质嫩而表面有少少香草增添唔少香味，好味！酱爆包心菜，菜身几爽脆食得肉多食Ｄ菜唔错，正。菠萝羊肉，甜甜酸酸Ｄ羊肉表面重几脆，食落一Ｄ都唔似羊肉，好好味！！甜品红绿豆桂花糕，不太甜几香桂花味，正。拔丝士多啤梨，表面几脆Ｄ士多啤梨就普通甜，OK之后有肚皮舞表演睇，好好气份好热闹，正!!整体都好好，价钱又唔贵，如果有免费水提供就Perfect！