新竹園軒

营业中

休息中

豉汁蒸凤爪既凤爪一啲雪味都无，入味十分，凤爪软腍，做到入口即化，豉汁味满满，味道香浓，色香味俱全！鲜虾韭菜饺既饺皮好薄，薄得黎好烟韧，真系皮薄馅靓，馅料既虾好大只，好爽口弹牙，韭菜又多又香，热辣辣蒸出黎，味道好好！葱花炸两肠粉好脆口，薄薄既肠粉皮包住松脆既炸鬼，油炸鬼好香，一啲油益味都无，加左葱花既肠粉更加香，味道更浓，肠粉吸晒啲豉油香！梅菜肉饼饭好香，系充满荷叶香，因为用荷叶去蒸，本身饭都充满饭香，猪肉亦系软嫩香喷喷，油香十足，仲有虾干添，更加咸香，梅菜亦更添风味，味道更好！