影片
更多
2024-08-28
3489 浏览
终于夹到时间去探搬咗嚟呢区嘅食力组组员，送上新居礼物后，屋主带我去呢度食呢餐入伙酒。最好就订位，我地因为早到先仲有位。入到去见墙上挂上菜牌，有d仲有埋相作参考，菜式种类怀旧/创新都见到。想最快有野食，加上仲系炎热天气，叫冷盘小食是常识吧。呢客味付苹果醋海蜇头就成为今晚打头阵之选。估唔到份量都几多，材料除咗有海蜇头，仲有海葡萄及黑木耳，全部都系爽脆之物，再加上带甜酸度嘅苹果醋，令人凉感又开胃。呢度都几多以海产入馔嘅菜式，最传统大路嘅有蒜蓉素翅蒸扇贝。大路中有亮点嘅由素翅代替用开嘅粉丝，入口带点嚼口; 而只扇贝肉正常厚度，加埋金银蒜及豉油，一啖食晒都几满足。睇个𩠌名黄金虾两食，谂紧点两食法。原来系黄金虾，仲有黄咖喱配牛⻆酥。先食黄金虾，即系以咸蛋黄包住只虾，唔会食到一口油，只会食到惹味嘅咸蛋黄，虾肉都算弹牙同唔细只。个黄咖喱入面系蔬菜，香而唔辣食法当然系用牛角酥黎沾咖喱汁食啦，几好味。叫个可以送白饭嘅，就系呢客鸡松菇爆黄鳝片。鸡松菇都系第一次听同食，口感比较爽口; 而黄鳝片略带点厚度，加埋色彩鲜艳嘅甜椒及姜葱芹一齐快炒，香味四出及带来多种口感。呢餐人均消费大约三百几元(只收现金/转数快)，
最好就订位，我地因为早到先仲有位。入到去见墙上挂上菜牌，有d仲有埋相作参考，菜式种类怀旧/创新都见到。
想最快有野食，加上仲系炎热天气，叫冷盘小食是常识吧。呢客味付苹果醋海蜇头就成为今晚打头阵之选。
估唔到份量都几多，材料除咗有海蜇头，仲有海葡萄及黑木耳，全部都系爽脆之物，再加上带甜酸度嘅苹果醋，令人凉感又开胃。
呢度都几多以海产入馔嘅菜式，最传统大路嘅有蒜蓉素翅蒸扇贝。
大路中有亮点嘅由素翅代替用开嘅粉丝，入口带点嚼口; 而只扇贝肉正常厚度，加埋金银蒜及豉油，一啖食晒都几满足。
睇个𩠌名黄金虾两食，谂紧点两食法。原来系黄金虾，仲有黄咖喱配牛⻆酥。
先食黄金虾，即系以咸蛋黄包住只虾，唔会食到一口油，只会食到惹味嘅咸蛋黄，虾肉都算弹牙同唔细只。
个黄咖喱入面系蔬菜，香而唔辣
食法当然系用牛角酥黎沾咖喱汁食啦，几好味。
叫个可以送白饭嘅，就系呢客鸡松菇爆黄鳝片。
鸡松菇都系第一次听同食，口感比较爽口; 而黄鳝片略带点厚度，加埋色彩鲜艳嘅甜椒及姜葱芹一齐快炒，香味四出及带来多种口感。
呢餐人均消费大约三百几元(只收现金/转数快)，菜式之配搭见到心思，下次同大班朋友黎食就可以试下其他菜式。
张贴
