666泰船麵 (仁愛街) (已結業)

今日去到新蒲岗食一间泰国野，有我最钟意既船面，仲要系街坊价，抵！🔹牛魔王船面🔹呢碗船面特别推介比一班钟意食牛既牛魔王。肥牛、牛丸、牛腩一次过满足晒你三个愿望，料左多到睇唔到面。金边粉经浓汤煮后，依然保持弹牙、爽口，仲挂汁添。至于汤底亦非常浓厚，牛味突出，令人想一饮再饮。🔹海南鸡饭🔹鸡大概有6-7件，每件鸡唔单止多肉厚实，亦同时口感软滑，再点上餐厅特制既辣酱汁，非常惹味。一口油饭，一口鸡肉好似去左泰国咁。🔹泰式薄饼配咖哩汁🔹个人系好钟意食薄饼，所以叫左泰式薄饼配咖哩汁。薄饼外脆内软，撕开一少块点上带有微辣既黄咖哩汁，正！整体黎讲，餐厅性价比唔错，不过地店就唔算太就脚。