影片
更多
2024-12-06
59 浏览
有次经过新蒲岗食鱼蛋粉，见到有间舖头排晒长龙，所以我估系好嘢！于是揾日特登嚟帮衬！舖头装修得几靓，以木纹为主！整体系舒服！我为咗避开人龙，今次特登早啲过嚟，好彩唔使等5分钟就有得入去，入完去之后好快就已经大排长龙了，真系好彩！讲返啲食物先，今次人多啲，嗌多咗几款唔同嘅食物，分别系：传统卡邦尼意粉、香煎鱿鱼木鱼饭、北海道带子三文鱼籽海胆汁意大利饭、紫苏罗勒青酱意粉配慢煮鸡胸。首先，如果问我最好食系边个一定系传统卡邦尼意粉，虽然我肯定佢唔系好正宗，但系个汁系做得几好，份量亦都多，因为本身都好Creamy，份量始终唔可以咁多，不过佢啲烟肉真系厚切，亦都做得好好，意粉亦都好挂汁，呢个真系唔错！第二个好食嘅就系北海道带子三文鱼籽海胆汁意大利饭，呢个又系一样，唔系好正宗，但系又系咁好味！𠮶个意大利饭煮得腍得滞，不过啲酱汁就系OK，加埋其他配料都系唔错，份量都唔少！所以第二位！其他两个，个香煎鱿鱼比想像中好食，啱啱熟，不过呢个比较清淡啲，另外𠮶个罗勒酱都OK！整体主食系唔错！不过甜品先系主角，今次拣咗两款芝士蛋糕，第一款当然系最受欢迎嘅开心果巴斯克芝士蛋糕啦！另一款嘅就系而家限定嘅焦糖番薯巴斯克芝士
讲返啲食物先，今次人多啲，嗌多咗几款唔同嘅食物，分别系：传统卡邦尼意粉、香煎鱿鱼木鱼饭、北海道带子三文鱼籽海胆汁意大利饭、紫苏罗勒青酱意粉配慢煮鸡胸。
首先，如果问我最好食系边个一定系传统卡邦尼意粉，虽然我肯定佢唔系好正宗，但系个汁系做得几好，份量亦都多，因为本身都好Creamy，份量始终唔可以咁多，不过佢啲烟肉真系厚切，亦都做得好好，意粉亦都好挂汁，呢个真系唔错！第二个好食嘅就系北海道带子三文鱼籽海胆汁意大利饭，呢个又系一样，唔系好正宗，但系又系咁好味！𠮶个意大利饭煮得腍得滞，不过啲酱汁就系OK，加埋其他配料都系唔错，份量都唔少！所以第二位！其他两个，个香煎鱿鱼比想像中好食，啱啱熟，不过呢个比较清淡啲，另外𠮶个罗勒酱都OK！整体主食系唔错！
不过甜品先系主角，今次拣咗两款芝士蛋糕，第一款当然系最受欢迎嘅开心果巴斯克芝士蛋糕啦！另一款嘅就系而家限定嘅焦糖番薯巴斯克芝士蛋糕！两款都好好食！而且都有浓郁嘅芝士味！但我首选当然系开心果！因为真系食得出好重嘅开心果味！而另外番薯都唔错，佢系喺芝士蛋糕外面再加咗啲焦糖仲用埋火枪烧过，不过就偏甜一啲，但都系好正！下次经过新蒲岗会再过嚟试吓！
0 浏览
0 赞好
0 留言
8 浏览
0 赞好
0 留言
0 浏览
0 赞好
0 留言
0 浏览
0 赞好
0 留言
0 浏览
0 赞好
0 留言
0 浏览
0 赞好
0 留言
0 浏览
0 赞好
0 留言
张贴
