roommate

营业中

休息中

彩虹道马路边新开一间Cafe，前几日都见到要排队，今日唔使排就即刻入去食。我叫咗焗比目鱼樱花虾饭，朋友叫咗慢煮鸡胸合桃苹果沙律。比目鱼樱花虾饭比较干身，冇用太多香料腌制，但咁样先食得出鱼嘅真味，成个饭一啲都唔肥腻，反而好香樱花虾味，饭粒粒分明。朋友𠮶个慢煮鸡胸肉质好林，一啲都唔鞋。苹果都好香甜，加埋酱汁口感丰富。佢话如果有两种苹果夹埋就好啦，例如系青苹果同红苹果，但佢都算满意。最后叫多咗个香茅巴斯克芝士蛋糕。本身朋友问我会唔会好怪，但食落又几夹，香茅同芝士嘅比例刚刚好。坐窗边风景好靓，但出边有人排队，就无谓霸住个位啦。