秋拾米線

营业中

休息中

又黎encore秋拾米线👍🏼而家愈来愈多人食，次次都要等位排队，真心好好食！。🥢招牌鱼腐米线$49呢碗鱼腐米线系招牌菜，绝对值得一试。米线煮得软糯得黎有咬口，鱼腐每日人手整，弹牙又爽，今次我仲加左肥牛卤水鸡翼，都系每款$10，好抵食！。🥢炭烧猪颈肉米线$55呢个基本上枱枱都有叫！炭烧猪颈肉炸得劲香脆！仲要原块上，份量极有诚意，猪颈肉香脆多汁，肉质鲜嫩，加埋个辣汁仲惹味！配料我都另加左罗卜同卤水腩肉，钟意个罗卜够淋身，腩肉厚实。。 小食都系呢度既重点！几款食过都好唔错。「煎酿三宝$21」细份都有齐冬菇、青椒同茄子，即叫即炸，好食！「招牌手作虾多士$22」呢个又系食到唔停口🤭虾多士炸得金黄酥脆，旧虾肉真系咬落多汁，多士劲脆卜卜。「腐乳通菜$20」正常时菜价钱不过不失。。真心呢间米线好好食！小食又好出色🤭难怪愈来愈人黎食。