影片
更多
2021-08-24
1935 浏览
自从食咗慈云山嘅荣记同埋荔枝角既好好运，开始左我不断探索沙嗲牛肉面之旅。好耐之前见到有人介绍一啲沙嗲牛肉面嘅小店，身为沙嗲牛肉面fans既我一早bookmark咗呢间餐厅，但迟迟都冇机会食到，因为佢净系做朝早同晏昼，星期日休息，位置仲要系唔会特登去嘅新蒲岗，有一次我终于下定决心，要返工之前就嚟食呢间闻名已久既黄金茶餐厅。沙嗲牛面嘅卧虎藏龙，能点止荔枝角同慈云山，呢一间肥仔铭茶餐厅，喺一间新蒲岗开业左10几年嘅茶餐厅，主打平民茶餐厅美食、面餐、炒粉面，因为曾经被饮食男女同埋香港金黄沙嗲牛肉群组推介而人气倍增，好多人慕名而来除咗系因为佢嘅沙嗲牛肉面，真系为咗佢哋嘅热香饼而黎。热香饼向来都系西式早餐，但呢间肥仔铭茶餐厅打破常规，将佢同港式嘅沙嗲牛肉面摆埋一齐，将两样睇落牛头唔搭马嘴既美食结合，用香甜松软既热香饼，中和沙嗲牛肉面既咸味，两者相得益彰，令到一众食客食完返唔到转头，深得网民、街坊喜爱，高峰时晏昼之前就售罄。我前后食过三次都系朝早，大概七点几八点几到，有两次都接近满座、有一次入边满座所以要坐出边。晏昼就更加人气爆灯，好多人排队同等外卖，即使位置隐蔽喺新蒲岗既锦荣街，都系人气高企。虽然
沙嗲牛面嘅卧虎藏龙，能点止荔枝角同慈云山，呢一间肥仔铭茶餐厅，喺一间新蒲岗开业左10几年嘅茶餐厅，主打平民茶餐厅美食、面餐、炒粉面，因为曾经被饮食男女同埋香港金黄沙嗲牛肉群组推介而人气倍增，好多人慕名而来除咗系因为佢嘅沙嗲牛肉面，真系为咗佢哋嘅热香饼而黎。热香饼向来都系西式早餐，但呢间肥仔铭茶餐厅打破常规，将佢同港式嘅沙嗲牛肉面摆埋一齐，将两样睇落牛头唔搭马嘴既美食结合，用香甜松软既热香饼，中和沙嗲牛肉面既咸味，两者相得益彰，令到一众食客食完返唔到转头，深得网民、街坊喜爱，高峰时晏昼之前就售罄。
我前后食过三次都系朝早，大概七点几八点几到，有两次都接近满座、有一次入边满座所以要坐出边。晏昼就更加人气爆灯，好多人排队同等外卖，即使位置隐蔽喺新蒲岗既锦荣街，都系人气高企。虽然佢写4:30闩门，但有时都会提早，三点就会卖哂、两点几可能已经冇晒沙嗲牛，如果想特登嚟一食确实要预早啲。
呢度因为系小店，枱同櫈唔多，入边得三张圆枱一张方枱，大约可以容纳10-12人，而出边有两张室外枱，可以容纳4-6人，所以如果一心想黎堂食嘅话，要有心理准备同人搭枱。
入到餐厅就知道，店主系一个龙珠迷，摆满哂龙珠figure，差唔多有过百只。
睇过menu，首先系全日供应餐，因为依度冇早餐。所以早餐其实都系食呢啲餐。第一页系有七个面餐，仲有香饼餐、粒粒通、鸡髀面、自家制XO酱猪扒面。如果你想食嘅面同个包既乜，可以直接同店员讲。
第二页都有全日供应嘅两个特餐同一个自选面餐，仲有两点后供应既下午茶餐，价钱由$35到40。
之后就系超级饭餐同炒粉面饭餐，当中人气之选有招牌猪扒饭 、XO酱粒粒炒饭、XO酱虾仁炒饭、干炒粒粒通粉、XO酱招牌猪扒面，价钱由$47到54，全部都镬气十足。
另外墙上有招牌人气既特大盛鳗鱼饭、墨鱼饼等，呢度嘅招牌XO酱都可以买走，晏昼有啲饭外卖自取仲只系三十蚊，系新蒲岗粮尾嘅恩物。
-
面餐E 💰37
1️⃣ 沙嗲牛肉面 （👅: 8.5/10）
沙嗲牛肉面
$37
25 浏览
2 赞好
0 留言
沙嗲牛肉嘅份量够多，有7-10旧，牛肉咬落够腍，完全唔韧无筋，食落有牛味，肉质算唔错 。应该有用松肉粉，但分量唔多。
面系用大光面，食落够爽，有小小弹牙，唔会过腍或者过硬。
另外有人介绍教走汤当捞面咁食，下次会试下，不过食过两三次就算唔走汤都够味。
-
2️⃣ 热香饼 +💰2（👅: 8.5/10）
热香饼
$2
15 浏览
1 赞好
0 留言
热香饼比麦当劳嘅厚度厚少少，咬落够松软食落蛋味够香，好似食紧鸡蛋仔咁，边位仲会有少少焦脆，系好多热香饼都做唔到嘅地方。
本身有少少甜味，唔加糖浆都够味，加左就更加满足，因为佢唔似麦当三块热香饼比两旧牛油，系一块热香饼比一旧牛油，牛油份量适中，唔会太多食落over，绝对系好食过麦当劳，早餐食真系最适合不过，系香港人嘅comfort food。
食落香甜嘅热香饼，反而同沙嗲牛肉面非常之夹，因为可以中和佢嘅咸味，每次嚟食早餐都系叫呢个组合。
-
☕ 热奶茶 （👅: 8/10）
热奶茶
16 浏览
1 赞好
0 留言
冻奶茶会比热奶茶甜，奶可能落得比较多。
-
🌟整体来讲系一间中上水平嘅茶餐厅，全日都食到嘅沙嗲牛肉面加热香饼，非常适合朝早食，而晏昼就可以试佢其他嘅人气菜好似
喺唔算多美食嘅新蒲岗，呢间绝对系附近返工嘅人早餐、午餐、下午茶嘅首选。
食过几次嘅我，觉得呢一间茶餐厅好有人情味，虽然我未到熟客，朝早见到唔少熟客都嚟帮衬，有啲系后生嘅打工仔、有啲系陀住个BB嘅母亲、仲有啲上咗年纪坐喺室外嘅阿叔，可以见到店员仲会同BB玩、同食客倾偈，听到食客讲照旧就知道佢哋系熟客，即使我唔系熟客都感受到佢哋服务好好，会因为冇位问我介唔介意坐出边，之后入边有位就会问我入唔入返嚟，落雨会好细心放个伞筒同盘比人摆伞。
咁有人情味、价钱咁平民、食物咁高质嘅小店，唔知几时会再冇机会食到，系一间值得香港人支持嘅小店、系我食过最想一食再食嘅新蒲岗小店。
-
👅味道: 8.5/10
🍴环境: 7/10
💰消费: $39 (服务费: NA)
张贴
