好運泰國美食

营业中

休息中

假期约左朋友系新蒲岗揾左间餐厅食泰国菜。餐厅系新蒲岗广场2楼, 座位几阔落。我哋叫左几款食物, 冬荫功鸡肉金边粉, 汤底浓郁, 酸辣惹味, 鸡肉亦很嫩滑, 十分开胃醒神。泰式海鲜干炒河, 虾肉大只弹牙, 河粉比较阔身烟韧, 炒得够镬只, 食落好香口。酸辣无骨凤爪, 有洋葱, 西芹, 车厘茄等配料, 凤爪好爽脆, 味道酸酸辣辣好开胃。酥炸紫菜鱿鱼, 鱿鱼包住紫菜炸得好酥脆, 咬落去烟韧弹牙。甜品叫左芒果糯米饭, 佢做成6粒双色糯米饭, 摆盘精致, 芒果亦十分鲜甜, 食完好满足。下次如果去开启德行街, 可以再黎呢间餐厅食。