潮盛館

营业中

休息中

钟意食潮州菜嘅朋友，成日周围试新嘢，今日就带我一齐食呢一间位于新蒲岗嘅「潮盛馆」晚饭时间大约七点嚟到，已经有好多食客，睇嚟好受欢迎。一入门口，见到侍应上菜都非常吸睛，摆盘好靓，烟雾弥漫，仙气🤓🤓餐牌食物选择都几多，稳阵打冷菜式都有冻乌头鱼见到鱼尾嘅牌仔，就只系正嘢！之前喺其他地方食过几次，有元朗乌头认证嘅牌仔，啲鱼真系好食啲！鱼肉唔会散修修👍🏻👍🏻👍🏻👍🏻👍🏻真系要比够五个like再加埋仙气效果，好睇又好食🤓🤓潮盛特色醉乳鸽坐低冇耐就听到话乳鸽剩返一只，咁梗系要把握机会，快啲叫埋最后𠮶只啦😄😄好彩有叫到，精彩㖞！摆盘非常靓，一半以上嘅位置已经做咗起骨，细心👍🏻酒味香得黎易入口，绝对唔会太呛，最好食嘅竟然系啲皮，脆卜卜，又入味，推荐！椒盐九肚鱼非常香脆，而且味道好惹味，细细件，易入口，配啤酒一流！暖暖个胃，黎一大锅蚝仔粥就最适合不过。蚝仔份量好多，新鲜，成件事好舒服🥰🥰果然冇介绍错，下次想食潮州嘢，又多一个选择🤓🤓