潮盛館

营业中

休息中

个人觉得佢系新蒲岗最好食嘅潮州菜，性价比好高。餐厅环境贴地，但食物出奇地精致，质素亦都非常高。餐厅仲有烧味档可以外卖食。本身观塘设店，依家新蒲岗都有得食。最推荐醉鹅肝，片入边嘅系半份。佢嘅酒味浓郁配埋鹅肝好夹，而且鹅肝嫩滑有弹性，一啲都唔硬，口感超好，嚟到一定要食呢一个，半分已经够两个人食。第二推介会喺蚝仔粥，蚝味唔会腥，反而几鲜甜。而且好足料唔会得一两粒蚝，同埋每粒都好肥美饱满。想食粥一定要试呢个。之后就系好精致打卡一流嘅醉乳鸽。有干冰提供埋俾你出住烟打卡，但系记得揾个冇咁大风嘅位，如果唔系就吹走晒啲烟。摆盘好靓同埋都去咗骨。肉质软嫩唔会好嚡。