海膽仔

营业中

休息中

沿住餐厅入口一路直入，右边雪柜摆放各种生蚝、蚬，鱼生。还未坐低已经胃口大开。刚落完order，先来一个蚬肉海带汤加沙津。蚬肉海带汤 - 以为系一般嘅面豉汤， 点知打开个盖，睇竟然系蚬肉海带汤。蚬肉好新鲜，汤底清甜，有惊喜。餐牌选择多，既然叫得海胆仔，一定要试下佢地嘅海胆。爆胆丼 （$168）- 除咗饭铺满左海胆，另外亦都有一小板海胆系饭嘅中间。食落都好新鲜，饭一上枱最好先食紫菜，因为都快「淋」。中间板海胆，就觉得味道突出过舖在饭上嘅海胆，如果配多少少明太子就更加完美。再来一个季节限定珍味丼 （$108） - 有拖罗蓉、鲍鱼、带子、甜虾等，材料丰富鲜甜好味道。唔知下次来仲有冇得食。餐厅光线充足而柔和，同朋友倾偈都唔错。当日大约下昼两点左右去到，已经过咗繁忙嘅午饭时间，但眼见客人都唔少，应该系信心嘅保证。