La Vigne (已結業)

今晩嚟咗大角咀嘅新餐厅庆祝朋友生日。估唔到闲日都唔少人㖞。夜晩暂时得晩市套餐，小食同甜品。价钱唔算平，但依呢个格局都合理嘅。蒜蓉包烘到热辣辣又脆卜卜，啲蒜味牛油味劲重，好好味呀！餐汤系忌廉蘑菇汤，够晒浓郁，一定唔系就咁沟水。沙律也很清新。我嗌咗碟黑松露海鲜饭 （$168），本来以为海鲜饭都应该份量好细，点知唔系，份量好多。材料都好丰富，除咗有好多黑松露外，仲有煎带子、虾同青口。极推介呀！因为朋友生日，所以试下个好特别嘅甜品，就系爆谷咸蛋黄雪糕 （$72）。雪糕好硬，可能啱啱系雪柜拎岀嚟。味道真系好前衞，个雪糕有啲过咸。