百利火鍋海鮮酒家 (已搬遷) 新店位置

太子百利一向系文公子饭堂，刚刚话租约期满，7月份重新装修完再开，但侍应同收银好多新脸孔，似乎有新股东入股？不过仲系成日无位要等餐死...大热天时人气似乎不减。装修后，环境靓咗好多，起码洗手间企理咗，以前基本上唔想约女仔来打边炉的。个餐牌加咗日式刺身，连火锅料都多咗唔少，有午餐肉，炸响铃同芝士肠食，但海鲜就似乎少咗文公子最爱的花蛤，以前试过好几次，上碟时都仲识行识走~不过当晚似乎刚刚打完风后，要咩无咩，有点扫兴，仲同隔离台乱咗单，而个冬瓜瑶柱田鸡锅，得𠮶些少田鸡...完全系揾笨。不过新张期内继续睇人头送Asahi ，碟手切本地牛肉亦似样，牛滑照样煮起有山竹牛肉感觉，无得输~其他鸡肠，腰膶，水饺，四宝丸都对办就算佢啦！