丼家和食 (已結業)

星期六热辣辣，到元朗行下兼食下野！听闻元朗寿司好抵食，不过又唔知边间，所以撞下手神，求其入一间！呢间几好坐，服务态度都几好，午餐有好多set拣，我要左寿司定食$68，朋友要左三色丼$62, 加左$22要左三色三文鱼寿司，另外叫左个蟹子沙律！佢set lunch已经包左面鼓汤同沙律，汤淡淡的，饮完唔会口干，沙律都几醒胃，不过略为太多麻酱！我个定食都几好食，小卷有沙律酱，酸酸甜甜好好味，旧饭就麻麻，三文鱼正常，无乜特别！但不得不提个蟹子沙律，38蚊，以为细细碟，点知大过我手掌，好夸张！