甜品堂 (已結業)

夜晚食完团年饭，同家姐落左西环食甜品~好耐之前都黎过食一次，估唔到水准都冇乜点变 呢度格局成间课室咁，可以一路食一路怀缅旧事我叫左西多士面包布甸，家姐就叫左新出既紫薯心太软。等左十分钟到，我既甜品先到~就咁睇好细个咁，不过食落都几饱。上面有冻冰冰雪糕，中间系啱啱炸好既西多士，底个层就系热腾腾既鸡蛋布甸。三样一齐摆入口，不但唔会唔夹，味道仲好好！跟住就到家姐既心太软。外表睇落都正正常常，一切开就有紫薯浆涌出黎。不过味道就唔太有紫薯味,相比起原本既朱古心心太软，就显得略为逊色。今次啲食物质素都keep得几好，不过当日可能年尾，得一个舖面员工喺度，就显得有点赶忙。