沙嗲王 (眾安街) (已結業)

明太子无骨鸡翼今次黎食沙嗲王，司令平时食饭谂唔到食咩都会黎呢度，贪佢野食种类多，而且水准唔差。今次小菜就叫左呢个新推出嘅明太子无骨鸡翼，明太子、鸡翼、仲要懒人最爱无骨！点可以唔试试？但出到个味道麻麻地🤔 司令都有啲失望。鸡翼入面嘅明太子好足料，系包满晒系鸡翼入面，外皮系好食嘅，但重点在于明太子唔太新鲜，所以出到黎腥味都颇严重，呢个小菜冇下次呢！牛柳粒温泉蛋焗意米最近司令爱上左食意米，贪佢口感好好，所以去沙嗲王都冇叫出名嘅白咖喱，反而叫左个意米试试。上到枱热辣辣同见到牛柳粒围边系吸引嘅😍 但牛柳粒煮得有啲过熟，咬唔系好开🤔。个汁好creamy但味道偏淡，加左温泉蛋同蛋汁一齐食就加返分，司令建议食个阵可以加返芝士粉个味会出啲！