檸檬冰室 (中海日升中心)

营业中

休息中

因为铺租一事令到大家都好熟既柠檬冰室终于开业，今日黎开观塘专登兜过黎试下佢。下午茶时间人流唔算好多，大概坐到6/7成左右。首先当然要试一试佢既波萝油先，13蚊一个又唔算贵㖞！ 新鲜出炉个包仲系暖既，正！酥皮香脆而个包系软熟既，但略嫌块牛油太薄，唔用手整开都见唔到。。。另外叫左个滑蛋叉烧饭，份量好足！估唔到下午茶都甘大份，滑蛋摭左一部分，厚切叉烧足足有六旧！肉质算几好既，而滑蛋都炒得唔错。可惜色水比较少，成碗饭好似无落汁甘，扣左少少分。整体黎讲系几好既，下次黎可以试下佢既午餐。